Weeping Twilight - Воўчы Сын, Дачка Крумкача

«Kali Śviet byŭ juny...» - składajuć paety, hladziać, kab pałała na drovach žyćcia vohnišča pamiaci ŭ rozumie bratnim (nia rušyć napierad, byłoha nia znaŭšy). Tamu i śpiavajuć našych dumak kiroŭcy, strunaŭ ślaźmi azdablajučy słovy. Chto bolš krasamoŭna, chto mienš, ale znoŭku my bačym časiny, kali Śviet byŭ juny... Vuścišny poklič varožaje zhrai - Nianaviść spradvieku ŭ sercy pałaje. Pysy pačvarnyja kryvi žadajuć, Čornyja kryły ŭ niebie łunajuć. Aščeranyja ikły, ciažkojie dychańnie, Ad dumak pra bojku kroŭ zakipaje. Ubačyŭšy voraha, litaść zabyŭšy, Łavinaj niasiecca voŭčaja zhraja. Sonca zasłaŭšy, naceliŭšy dziuby; Kožny ruch - šerym na zhubu. Anioły ciemradzi, mohiłak varta - Kryłatyja cieni bjucca uparta. Čyrvań na čornym ubrańni ledź bačnaja, Šery kaptan nie baronić ad kipciaŭ. Zdolnyja zabivać, jany losu udziačnija, Robiać pacierki z varožych žyćciaŭ. Sumna ŭsio roŭna ŭ pałacach niabiosnych, Hulniu raspačać Bahi majuć namiery: Ci to spatolić azart, ci pabačyć Dzieju ŭ vykanańni niazhrabnych hajeraŭ. Machlary Nieba tasujuć kałodu miečanych kartaŭ... k adziny. Prymušany tančyć śkinuć błazienski kaŭpak bolš nia zmoža... ...ździeki dy kpiny. Kožny miarkuje, nia jon traplajecca na vudu padmanu, ale z asałodaj Čytaje scenar spradviečnaje pjesy i ŭ hetym sezonie... śpiech zaŭsiody. Streły kachańnia kujucca na niebie (nivodnaj z achviaraŭ nie ŭratavacca), Peściacca ŭ sercach u hlebie prydatnaj. Rozum, darečy, drenny daradca U čas, kali džała z atrutaj sałodkaj U serca ŭpiłosia, kachańnia durmanam Kryviu rastvarajučy, sercu mihcieńnie Nie ŭtrymajuć ni vaŭki, ni hruhany. Marać pra dziva, marać pra ščaście, Śmieła niasucca ŭ čarhovuju bojku. Tolki raptoŭna Dačka Čornych Kryłaŭ Zbroju nia vostryć dziela zabojstva. Sum zataiŭsia i ŭ sercy vaŭčynym, Syn važaka - u bahnie kachańnia: Nie nalivajucca vochy kryvioju; Pra tajemnaje mroić jon znoŭku spatkańnie... Kryčać... ravuć... chrypiać... dziaŭbuć... Žyćcio žabruje na śviacie śmierci! Na poli - šmat, u pałonie - bolš... Vaŭki śviatkujuć - u cud nia viercie! Ciažkim bizunom tvar pasiečany... Ściskajuć šyju arkany... Piakučym žalezam admiečana... Brazhočuć-rahočuć kajdany... Achviarnaie vohnišča ładzicca (u pfalcach na niebie čakajuć). Vidovišča musić spraŭdzicca (na svaju machlary karyść dbajuć). Suprać nieba lutaha stanie Syn Vaŭka; jon u natoŭpie pałonnych Bačyŭ, ale nia jak na spatkańni, Vobraz maraŭ dy mrojaŭ jahonych. Treba ŭžo zanimacca pažaru (tradycyjaŭ biaremia nia skinieš!) Zapaliŭšy pachodniu, achviaru Syn Vaŭka prynieści pavinny. Ikoł vostry - u serca kachanki, Sabie - druhi, kab adzin adnaho paspatkali... ...z kryvoju ŭśmieškaj małanki Siarod chmaraŭ Bahi žartavali.